تجربتي في عملية شفط الصدر للرجال

سلام عليكم
في البدايه احب اشكر الاخوان القائمين على الموقع
واحب اقول لكم تجربتي مع تضخم الصدر الو الثدي للرجال

انا كان وزني 77 كجم من فتره طويله وطولى 171سم
وجسمي متناسق والعب رياضه من فتره لفتره بس مشكله الصدر كبير شوي عندي

ومن رمضان 1431هـ وانا اسوي بحث في النت وبعدين اخذت اكثر من موعد مع دكاتره تجميل وجراحه وهم :
1- د سامي بيطار مستشفي الحبيب العليا
2- د عبدالله الثنيان في عيادات جوفا شارع التخصصي
3- د بشر الشنواني في مركز النخبه الطبي الجراحي شارع التحليه
4- د شربل مدور مسشتفي الحبيب الريان وهو اللى سويت عنده العمليه

بالنسبه لحالتى كانت تثدي فقط وهي عمليه يتم فيها ازالة الغده اللبنيه في الصدر وشفط الدهون من منطقة الصدر.

صراحة انا اكثر دكتور ارتحت له هو سامي بيطار بس للاسف اخذ جازه في رمضان ولا عاد رجع فاخذت موعد مع د شربل وقابلته وخبرته باني كانت ارغب اسويها مع د سامي بيطار بس انه سافر ولم يعد وانى ابي اسويها معه هو
صراحه الدكتور شربل لبناني وكان دارس وشغال في امريكا وكندا قبل يجي الرياض وارتحت له نفسيا وسويت العمليه عنده يوم 26 يناير والحمدلله من اول يوم حسيت بالفرق والم العمليه كان خفيف وجروحه صغيره عباره عن فتحه في حلمة الصدر الجزء السفلي تقريبا ثلاث غرز وفتحتين بقرب كل حلمة صدر يمينه وتحته صغيره مره ما تتعدا غرزه لكل فتحه اللى بجنب حلمه الصدر كان فيها لى صغير واخره عليه تجمع الدم
العملية كانت الاربعاء الصباح وطلعت من العمليات بعد الظهر وبعد العمليه صحوني وزارني الطبيب وثاني يوم الخميس زارني الطبيب وغير على الجروح وشال لى الدم وكتب لى خروج طلعت ثاني يوم الظهر
الالم الحمدلله خفيف والدوا بس مضاد حيوي ومسكن للالم اول يوم كان شوي الم ثاني يوم خف الالم كثير ثالث يوم رحت للمشفي وسويت غيار عالجرح وتنظيف ودهان فيسودين اللى هو مضاد حيوي من خامس يوم صرت انام على جمبي الحين الحمدلله الصدر شاد مو زي اول بس الجرزح الصغيره نقاط حمر
على كلام الدكتور راح تبين النتائج النهائيه خلال فتره توصل الى خمس اشهر واحس الحين بتحسن اكثر من 70%
وحبيت احط تجربتي للاخوان
بالنسب للتكاليف كانت على النحو التالي
1- (17000) ريال تكلفه العمليه
2- (2000) ريال قيمه الغرفه للتنويم والتامين والادوية رجعوا لى منها حوالى 600 ريال
3- (400) ريال قيمة التحاليل
4- (200) ريال قيمة الادوية
5- (500) ريال قيمة المشد من صيدليه مستشفي ادمه

الحمد لله على السلامه

أجر وعافيه بإذن الله

وعليكم السلام ورحمة الله

حمدا لله على سلامتك

طهور واجر وعافية

الحمد الله على السلامه

بس مهب تكلفة العملية شوي غالية

انا الي سمعته ان في ادمه ارخص شوي لكن المشكلة في ادمه ان العملية تصير في اسفل الثدي

الحمدلله على السلامه

الحمد لله على السلامة

الله يسلمكم ومشكورين كل اللى ردو ومايشوفون شر :
بس فيه ملاحظتين:

1- على فكره تكلفه العملية في الحبيب تقريبا 13000 ريال بس شكلى بالغلط سجلتها بزيادة 4000 ريال مع ان مشفي الحبيب اغلاهم وباقي الدكاتره كانوا اقل من الحبيب بحدود 2000 الى 4000 ريال.
2- اللى خلانى اختار مستشفي الحبيب مع زيادة الفرق هو انى اخطر شي في عمليات البنج الكامل هو التخدير او البنج عشان كذا اخترت الحبيب اهم شي الصحه

حمد لله علي السلامه
اهم شي تفتك من المعاناه