عملية شد الصدر(روعة)

السلام عليكم انا اليوم بصرحه حبيت اتكلم عن شد الصدر لاني شفت ان الاغلبيه عنده ترهلات في اماكن كثيره طبعا الحال من بعضه بس انا ابتكلم عن اختي قامت بهذه العمليه منذ عشر ايام وبصراحه اعذروني ترى اسلوبي رايح فيها المهم الفائده باي شكل (يعني الزبده ان توصل المعلومه)اختي عصقوله من يومها وزنها 55ك بتستغربون ليه شدة صدرها وانا بعلمكم السالفه هي اكبر مني وكل ماحملت تنتفخ مثل البالون بسم الله عليها الي يشوفها قبل الحمل ووقت الحمل وما بعد الحمل مايصدق لانها علا طول تبدى بالرجيم الين ترجع للوزن السابق وماتخلي دواء الاوتشربه عشان ما يزيد الوزن وماشاء الله ترجع لان عندها قوة اراده المهم الصدر والبطن راح فيها لان وهي حامل يوصل وزنها الى90 ك تقريبا ثم ترجع الى 55ك المهم انا وهي من سنتين سوينا عملية شد البطن وانا ذكرت قصتي في موضوع احد الاخوات والحمد لله بطونا الان حلوه وماتغيرت بس هي قبل 10 ايام سوت عمليه شد الصدر ولاقوة الا بالله روعه انا شفت العمليه هي صدرها خربان وعلى قول الدكتور حقها ان صدرها تعيس كنه كيس فيه رمل قليل فقامت واحضرت المقاس المتوسط وطلبت من الدكتور عدم تكبيره لدرجة انه يبان عليها انها مسويه العمليه (ذكيه حركه حلوه )علشان محد يحس وبعدين سواها لها والحمد لله الله يتمم عليها مره ممتاز الحجم والشكل وبالنسبه للالم حست بالالم شي طبيعي بس تقول اقدر اتحمله ومع المهدى ترتاح الان بعد10 ايام الحمدلله ماتحس بشى يذكرتطلع وتتسوق وبالف عافيه وانا حبيت انقل لكم تجربتها للفائده عسى اني اكون افدتكم مع اني مانيب شاطره بالكتابه اعذروني اذا في غلط

أختي ما شاء الله تبارك الله الله يخليكم لبعض

بس وين سويتو العمليات

الله يستر عليها ويوفقها


ومشكورة على الرسالة

حبيبتي توله اختي سوت العمليه عند الدكتو حواري في ديرما كلينك ويسوي العمليه بمستشفى التخصصي العماره الطويله مهوب التخصصي الثاني وايضا في مستشفى دله والله يجزاكي الجنه على الدعوه الحلوه

شكرا على سرعة الرد الله يسعدكم دنيا وآخرة

ما شاء الله...وتبارك الرحمن...يارب يتمم عليها
ولا يضيع تعبها

اختي ممكن توضحين لي هالجملة...
((فقامت واحضرت المقاس المتوسط وطلبت من الدكتور ...))
شلون يعني احضرت المقاس..؟؟؟


هي اكيد... شدت...ونفخت بالسيلكون..عشان يطلع شكله ممتلئ
الاسئلة
اثر الجرح واضح...؟؟؟
انا سمعت انه ياخذ شكل حرف T مقلوب

و....مكان الحلمة ما تأثر ..؟؟؟
وهل صحيح انه العملية ممكن تؤثر على الشعور في الحلمة؟؟؟
طيب شلون الرضاعة لو فكرت تحمل مرة ثانية..؟؟

دوختك بالاسئلة صح..؟؟؟

ما شاء الله الحمد لله على سلامتها
طيب اللي يبي يشد بس بدون تكبير كيف تكون العمليه
وين الدكتور في اي مدينه

الاخت عريب السلام عليكم اول سوال هي اخذت المقاس لانها دائما كانت تلبس حشوه للصدر لان ماعندها صدر بالاساس فاخذت مقاس الحشوه والدكتور من عنده حط لها الجل انا مانيب متاكده هو سيلكون اولا لكن اوعدك الليله ابسالها بالضبط وش النوع الى حطه والعمليه كانت نصف داتره تحت الصدر ودائره حول الحلمه لان الدكتور نصحها بتغير دائرة الحلمه لانها غير مناسبه مع حجم الصدر بعدين شد لها العضلات الى بالصدر لان عضلات الصدر مره مرتخيه والندبات الى الان مايبان اذا بتبقى او بتروح لكنها مره صغيره وغير
واضحه والله اني ماكنت متخيله ان الشكل بيكون مثل ماشفت انا شفته شكله يهبل بدون مبالغه وانا باذن الله ناويه اسويها ولا مانصح احد على شي ماهوب زين وبعدين بالنسبه للشعور لس بدري انها تعرف لان العمليه لها 10 ايام والان اكيد لس الجلد ميت يعني لما نسوي اي عمليه نقعد فتره الين نبدء نحس فيه بس اعتقد انه ماعاد فيه شعور لان وحده من صديقاتي لها فتره طويله وتقول ماعد في اي شعور بالحلمه وبالنسبه للحمل ماعرف لانها مهي ناويه تحمل بس اسالها اذا ساله الدكتور على هذا الشي اولا انا قاعده اجاوبك بالامانه والذمه علشان كذه انا بعض الاسئله الى ماعرفها اقولك ابسالها عشان يكون كلامي في فايده مهوب بس هذر على الفاضي وتسوين العمليه وبعدين تدعين على لوووووووول لازم اكون امينه ياشيخه هذا صدر مش اي كلام واليوم اسالها وان شاء الله ارد على باقي اسالتك وانا متاكده من كلامي والله لو مهوب حرام كان اوريكم بالصور ماشاء الله الله يتمم عليه يهبل وشكرا يعمر واي خدمه انا جاهزه بس امري انتي

اختي دنياهلا والله فيكي ياعمري الشد بدون تكبير ارخص وسهل لانه بس شد للجلد انا سالتها لاني مثلك ابي بس شدلاكن اعملي حساب لو احتاج الصدر لشد العضلات لو كان الصدر مره مترهل بيسوى لك الدكتور شد للعضلات علشان مايرجع ويترهل هذا الكلام الى قاله الدكتور والدكتور اسمه بسام حواري بعيادات درما بالرياض بشارع الثلاثين العليا وانا عارفه انك منتي من سكان الرياض بس محد يسوي هذه العمليه احسن منه لان كل الى اعرفهم من صديقاتي سوها عنده واختي لما شافت النتايج عليهم راحت عنده لان شغله ماشاء الله احلى من الشكل الطبيعي ولااحد يقدر يشك انك مسويه عمليه اصلا وامري اي سوال يخطر ببالك تحت امرك ياعمري والله يسعدك

هلا فيك اختي
الا الصدر انا اخافففففف من هاعمليه
ما شاء الله عليكم انتم خوات تحبون المظهر الجميل دائما الله لا يغير عليكم
كم تكلفة عمليه الصدر
ليتني اتشجع للبطن والا الصدرهين

طيب يالغاليه ممكن تخبرينا بكم سوتها

واهي سوتها بالتخصصي ولا بديرما كلينك


وياليت تخبريني بكم سويتو عملية شد البطن وعند مين واسم الدكتور


ومشكورة مقدما